Author: सञ्चार संकेत

नेपाली महिला राष्ट्रिय क्रिकेट छनोट हुन नसके पनि वुमन्स एसिया कप खेल्ने भएको छ । क्रिकेट पोर्टल क्रिकइन्फोले जनाएअनुसार एसियाली क्रिकेट परिषद् (एसीसी) ले भारत, पाकिस्तान, डिफेन्डिङ च्याम्पियन श्रीलंका, बंगलादेश, थाइल्यान्ड, यूएई, मलेसिया र नेपाललाई समेट्दै वुमन्स एसिया कप आयोजना गर्न लागेको हो । यूएईलाई आयोजक राष्ट्र तोकिएको छ भने प्रतियोगिता अगस्ट २८ देखि सेप्टेम्बर १३ सम्म आयोजना हुनेछ । एसियाली क्रिकेटको सर्वोच्च संस्थाबाट अन्तिम स्वीकृति आउन बाँकी रहेको क्रिकइन्फोमा जनाइएको छ ।

हाम्रो शरीरलाई स्वस्थ र तन्दुरुस्त राख्न फलफूलको भूमिका महत्त्वपूर्ण हुन्छ, तर जुनसुकै समयमा जुन कुनै फलफूल खानुभन्दा मौसम अनुसारका फलफूल छनोट गर्नु धेरै बुद्धिमानी मानिन्छ । विशेष गरी आ–आफ्नो प्राकृतिक मौसममा फल्ने फलफूलले शरीरलाई आवश्यक पर्ने सम्पूर्ण पोषक तत्त्व, भिटामिन, खनिज पदार्थ र रेसाहरू उचित मात्रामा प्रदान गर्दछन् । यसको विपरीत, बेमौसमी फलफूललाई लामो समयसम्म भण्डारण गरेर राख्नुपर्ने भएकाले त्यसमा विभिन्न प्रकारका रसायन वा रसायनहरूको प्रयोग गरिएको हुन सक्छ । यस्ता फलफूलबाट हाम्रो शरीरले पाउनुपर्ने सही पोषण प्राप्त गर्न सक्दैन । प्राकृतिक रूपमै पोषक तत्त्वहरू पूर्ण रूपमा पाउनका लागि मौसमअनुसारकै फलफूल खानुपर्छ । अहिलेको मौसममा बजारमा आँप, केरा, लिची, आरु…

हेमराज अधिकारी असार महिनालाई मानो लगाएर मुरी उब्जाउने महिनाका रूपमा लिइन्छ। अचेल सामाजिक सञ्जाल र सञ्चारमाध्यममा देखिने रोपाइँका दृश्य र तस्बिरहरूले बाल्यकालका अनगिन्ती सम्झनाहरू ताजा गराइदिन्छन्। पहाडी जनजीवन ढुंगा माटो, उकालो ओरालो र संघर्षले भरिएको हुन्थ्यो। तर त्यो संघर्षमै पनि एउटा छुट्टै आनन्द थियो। ती दिनहरू सम्झँदा अहिले पनि बेलाबेला मन नोस्टाल्जिक हुन्छ। मेरो जन्मथलो अछाम फल्टाने विद्यालय पढ्दा काठमाडौंजस्तो हिउँदमा नभई हाम्रो गाउँमा बर्खामा लामो बिदा हुन्थ्यो। असार र साउन गरेर पूरै दुई महिना। त्यो बिदा खेतीपातीका लागि छुट्याइएको हुन्थ्यो। बालबालिका, युवा वा वृद्धवृद्धा, अशक्तबाहेक काम गर्न सक्ने कोही पनि घरमा बस्न पाउँदैनथे। “वर्षभरि खाने अन्न उब्जाउने बेलामा पनि…

हेमराज अधिकारी सूचना प्रविधि (आइटी) को युगमा आज विश्वले अकल्पनीय फड्को मारेको छ । कृत्रिम बुद्धिमत्ता (AI), मेसिन लर्निङ, डाटा एनालिटिक्स, क्लाउड कम्प्युटिङ, साइबर सुरक्षा जस्ता क्षेत्रहरूले मानव सभ्यतालाई एक नयाँ युगमा पुर्‍याएका छन् । तर, दुखद कुरा के छ भने नेपाल अझै पनि यस्ता प्रविधिमार्फत् विकास र समृद्धिको यात्रामा कदम मिलाएर अघि बढ्न सकेको छैन । पूर्वाधारको कमी : गाउँ अझै अन्धकारमा म एक ब्याचलर तहमा अध्ययनरत आइटी विद्यार्थी हुँ । मेरो स्थायी ठेगाना सुदूरपश्चिमको जिल्ला अछाम हो । त्यहाँको वास्तविकता के हो भने, इन्टरनेटजस्तो आधारभूत सेवासमेत नियमित रूपमा उपलब्ध छैन । कहिले नेटवर्क हराउँछ, कहिले घण्टौँसम्म सम्पर्कविहीन हुनुपर्छ । यति मात्र हैन, विद्युत आपूर्ति पनि…

काठमाण्डाै – नेपाली कांग्रेसका सभापति गगनकुमार थापाले जलनबाट ज्यान गुमाएका मुगुका गणेश नेपालीको घटनालाई सामूहिक आत्मचिन्तनको विषय बनाउनुपर्ने बताउनुभएको छ । सामाजिक सञ्जाल फेसबुकमार्फत सभापति थापाले यसलाई एक नागरिकको जीवन, एउटा परिवारको असह्य पीडा र हाम्रो मानवीय संवेदनासँग जोडिएको विषय रहेको उल्लेख गर्नुभएको छ । ‘यो कुनै राजनीतिक बहस वा दोषारोपणको विषय होइन, यो एउटा नागरिकको जीवन र हाम्रो मानवीय संवेदनासँग जोडिएको गम्भीर विषय हो’, उहाँले लेख्नुभएको छ । थापाले आमयुवाले भोग्नुपरेको निराशा र राज्य संयन्त्रप्रति नागरिकको असहाय भावनाबारे प्रश्न उठाउँदै गणेशको परिवारलाई सहयोग गर्न सबैलाई आग्रहसमेत गर्नुभएको छ । हिजो जलनबाट घाइते भएका मुगुका २५ वर्षीय गणेश नेपालीको उपचारका…

काठमाण्डाै – प्रतिपक्ष दल नेकपा, नेपाली कांग्रेस, नेकपा एमाले र राप्रपाले मुगुका गणेश नेपालीले ज्यान गुमाउनुपर्ने अवस्थाको जिम्मेवारी सरकारले लिनुपर्ने बताएका छन् । काठमाण्डौको त्रिपुरेश्वरमा हिजो आफ्नै शरीरमा पेट्रोल छर्केर जलन भएका र ज्यान गुमाएका युवाको विषयमा आजको प्रतिनिधिसभा बैठकमा प्रश्न उठेको हो । यो विषयमा विपक्षी दलहरूले सरकारको ध्यानाकर्षण गरेका छन् । नेकपाका सांसद पार्वती विक, वर्षमान पुनलगायतले ज्यान गुमाएका गणेश नेपालीको घटनाका विषयमा सरकारले जिम्मेवारी लिनुपर्ने बताउनुभयो । त्यस्तै यो घटनामा राज्य किन मूकदर्शक बनेर बसेको छ भन्दै कांग्रेसले प्रश्न गरेको छ । कांग्रेसकी सांसद बासना थापाले शरीरमा आगो लगाएको अवस्थामा पनि एम्बुलेन्ससमेत नपठाएको आरोप लगाउनुभयो । त्यस्तै एमालेले…

काठमाण्डाै – सुनको भाउ आज पनि घटेको छ । हप्ताको पहिलो कारोबार दिनदेखि लगातार घटिरहेको सुनको भाउ आज पनि घटेको हाे । सुनकाे भाउ आज २ हजार ४०० ले घटेर ताेलाकाे २ लाख ८४ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनकाे भाउ तोलाको २ लाख ८७ हजार १०० रुपैयाँ थियो । त्यस्तै आज चाँदीको भाउ पनि घटेकाे छ । चाँदीको भाउ १६० रुपैयाँले घटेर तोलाको ४ हजार ३४० रुपैयाँमा कारोबार भइरहेको छ । हिजाे चाँदीको भाउ ताेलाकाे ४ हजार ५०० रुपैयाँ थियो ।

फ्रान्सका कप्तान किलियन एम्बाप्पेले फिफा विश्वकप इतिहासमा नयाँ कीर्तिमान कायम गरेका छन् । २७ वर्षको उमेरमा आफ्नो २० औँ विश्वकप खेल खेल्दै उनी विश्वकपमा २० खेल पूरा गर्ने इतिहासकै सबैभन्दा कम उमेरका खेलाडी बनेका छन् । मोरक्कोसँगको खेलमा एक गोल गर्दै एम्बाप्पेकाे  विश्वकपमा कुल गोल संख्या २० पुगेकाे छ । साथै पेनाल्टीबाहेक सर्वाधिक विश्वकप गोल गर्ने खेलाडीको सूचीमा उनले अर्जेन्टिनाका लियोनल मेस्सीको १७ गोलको कीर्तिमानीको बराबरी गरेका छन् । सन् १९९८ डिसेम्बर २० मा फ्रान्सको पेरिस नजिकै रहेको बोन्डीमा जन्मिएका एमबाप्पे बाल्यकालदेखि नै असाधारण गति, उत्कृष्ट बल नियन्त्रण, प्रभावशाली ड्रिब्लिङ र गोल गर्ने क्षमताका कारण उनी विश्व फुटबलका सबैभन्दा प्रतिभाशाली खेलाडीमध्ये एकका…

धनगढीः कैलालीको चिसापानीमा मिनी ट्रकको ठक्करबाट एक जनाको मृत्यु भएको छ। लम्कीचुहा नगरपालिका–३ चिसापानी बजारस्थित रुवी होटल अगाडि शुक्रबार राति करिब साढे ९ बजेतिर पहिचान नखुलेका अन्दाजी ४५ वर्षीय पुरुषलाई मिनी ट्रकले ठक्कर दिएको हो। दुर्घटनापछि इलाका प्रहरी कार्यालय चिसापानीकी प्रमुख प्रहरी निरीक्षक मीरा खड्काको कमाण्डमा १० जनाको प्रहरी टोलीले घाइतेको तत्काल उद्दार गरी टीकापुर अस्पताल पुर्‍याएको थियो। टाउकोमा गम्भीर चोट लागेका ती पुरुषको उपचारकै क्रममा राति अस्पतालमै मृत्यु भएको जिल्ला प्रहरी कार्यालय कैलालीले जनाएको छ। मृतकको नाम, थर र ठेगाना खुल्न नसकेको प्रहरीले बताएको छ। हाल शव टीकापुर अस्पतालको शवगृहमा राखिएको छ। दुर्घटनापछि फरार भएका चालक र गाडीलाई प्रहरीले सुर्खेतबाट…

बेलौरी: कञ्चनपुरको बेलौरीमा विद्यालय बसको ठक्करबाट एकजना गम्भीर घाइते भएका छन्। घाइते हुनेमा मोटरसाइकल चालक बेलौरी नगरपालिका-३ पडाउ बस्ने २९ वर्षीय महेश राना रहेका छन्। उनलाई तत्काल उपचारका लागि धनगढीस्थित निसर्ग अस्पताल पठाइएको प्रहरीले जनाएको छ। मंगलबार दिउँसो बेलौरी -३ मा खिरियाबाट फटैयातर्फ जाँदै गरेको सु.प.प्र.०१–००१ क २६२७ नम्बरको विज्डम एकेडेमी  विद्यालयको बसले विपरीत दिशाबाट आउँदै गरेको सु.प.प्र.०१-०११ प ७०७३ नम्बरको मोटरसाइकललाई ठक्कर दिएको प्रहरीले जनाएको छ। घटनापछी बस र बस चालक बेलौरी- ४ निवासी ४६ वर्षीय विज्ञान महर्जनलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको जिल्ला प्रहरी कार्यालय कंचनपुरका प्रहरी नायब उपरीक्षक टेक बहादुर रावतले बताए।