३ असार, काठमाडौं । फिफा विश्वकप २०२६ अन्तर्गत टेक्सासको मैदानमा आज एउटा निकै प्रतीक्षित र रोमान्चक भिडन्त हुँदैछ, जहाँ युरोपेली पावरहाउस पोर्चुगल र अफ्रिकी महाद्वीपको सरप्राइज टोली कङ्गो डीआ आमनेसामने हुँदैछन् ।
ऐतिहासिक रूपमा पहिलो पटक विश्वकपको उपाधि जित्ने लक्ष्यका साथ मैदान उत्रन लागेको पोर्चुगलले छनोट चरणमा अविश्वसनीय प्रदर्शन गरेको थियो; जहाँ उनीहरूले मात्र ६ खेलमा २० गोलको वर्षा गर्दै आफ्नो टिकट पक्का गरेका थिए ।
अर्कोतर्फ, ५२ वर्षको प्रतीक्षा समाप्त गर्दै सन् १९७४ पछि पहिलो पटक विश्वकपको मुख्य मञ्चमा फर्किएको कङ्गो डीआर उच्च मनोबलका साथ मैदान उत्रनेछ ।
मेक्सिकोमा भएको विश्वकप प्ले-अफ प्रतियोगिताको फाइनलमा जमैकालाई १-० ले पराजित गर्दै ऐतिहासिक रूपमा विश्वकपको टिकट काटेको कङ्गो यो ठूलो मञ्चमा युरोपेली महारथीलाई स्तब्ध पार्दै नयाँ इतिहास रच्ने दाउमा छ।